The Fruit of the Spirit (CHIGOGO: Bible NT)

CHIGOGO: Bible NT

Galatians (Wagalatiya) 5:22-23

22 Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

23 wupolo no wiyimile. Hasina u Wulajilize wono wukusuma kuzimila zizi.

The Armor of God (CHIGOGO: Bible NT)

CHIGOGO: Bible NT

Ephesians (WaEfeso) 6:10-18

10 Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

11 Muvwale i vitwalo vyono u Mulungu yakumupelenyi, ho musume kuwimila u wusugu wose wa Setani.

12 Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

13 Ku soko yiyo holeka muvwale vitwalo vyo Mulungu, ilizuwa lilyo kolo lyeza kufika, ho musume kuwimila u wihomi wo mulugu, na lono muwe mwehoma sunga ko ku mudumo, mwijele mukali mukamile.

14 Ale mwimaje mukamile! Ne mbeka yeze nha musipi mu viwino vyenyu, no wiling’ano weze nha civwalo co kumwimilenyi mu zimhambaga zenyu.

15 No wusaka kuluganula u Luganuzi Luswanu lo mulamu, wuweze nha malatu mu migulu yenyu.

16 Ninga ko muno, u wihuwilo, wuweze nha ngula mu miwoko yenyu nhondo zose, ho yimutazenyi kuzizimya i zisonga zo moto za ayulya u mubi.

17 Muyibocelaje mhonelo ho yiwe nha kofiya yenyu ya cuma, ne nghani yo Mulungu yiwe nha mumaje wono mukupegwa no Muhe Mono Yelile.

18 Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

God’s Love (CHIGOGO: Bible NT)

CHIGOGO: Bible NT

John (Yohana) 3:16

16 Ku soko u Mulungu yayenda yinze nha vivi, sunga yakamulavya Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

The Beatitude (CHIGOGO: Bible NT)

CHIGOGO: Bible NT

Matthew (Маtаyo) 5:3-12

3 “Wamoti wono wakwiwona nha waciwa hali Mulungu, hambi u wutemi wo Mulungu nha wawo.  

4 Wamoti wono wena wukalale, hambi nha wosindamikwa.  

5 Wamoti iwapolo, hambi nha wopegwa yinze.  

6 Wamoti wono wena nzala ne nyhilu, yo kwituma zo wuhile wo Mulungu, hambi u Mulungu nha kowegutya.  

7 Wamoti wono wena lusungu kuli wanji hambi nawo nha wowonelwa lusungu no Mulungu.  

8 Wamoti wono wena nhumbula nzelu, hambi nha womuwona u Mulungu.  

9 Wamoti wono wakwituma so wulondola mulamu, hambi nha wocemwa wana wo Mulungu.  

10 Wamoti wono wakugazwa ku soko yo wituma zo wuhile wo Mulungu, hambi u Wutemi wa ku wulanga nha wawo!

11 “Muli wamoti nyenye, kolo wanhu wakumulijenyi, no kumugazenyi, no kumuvilenyi, kanyhi no kumulonjenyi makani mabi ku soko vyono muli watyatyi wangu.

12 Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

The Lord’s Prayer (CHIGOGO: Bible NT)

CHIGOGO: Bible NT

Matthew (Маtаyo) 6:9-13

9 Ninga munojeye mweze kulomba nhavi: ‘Baba mono wuli ku wulanga, Ilitagwa lyako lyezwe,  

10 U wutemi wako wuze yono wukuhila yitumwe kono’nze nha vyono ku wulanga.  

11 Wucipelaje izindigwa zono zikwiliye izuwali.  

12 Wucinenelaje imasutya getu, nha vyono nase ciwanenelaga wono wacisutizyaga.  

13 Wulece kucitegula mu wujelwe, Langa wuciponye na yulya u Mubi.'” [Hambi u wutemi ne vilungo, no wuwaha nha vyako, sunga ku cibitilila. Heya.]