The Fruit of the Spirit (MONGI: Bible NT & Psalms)

MONGI: Bible NT & Psalms

Galatians (Galatia) 5:22-23

22 Waŋu uŋa téréyawac héla gocmia imi mia yomuhuc. Goi héihéi, ségiségi, luae, qeri bénʒéŋ, ala kekec, ehéihéi, méŋʒé méŋʒéya qahac,

23 gum bénʒénʒéŋ, qerinéŋ sigisigi kekec, haka imuhucyawac imi héna ac méŋnéŋ méŋ neuŋ ménda héianʒac.

Advertisements

The Fruit of the Spirit (LUO: Bible NT & Psalms)

LUO: Bible NT & Psalms

Galatians (Jo-Galatia) 5:22-23

22 To nyak mar Roho en hera, mor, kuwe, horuok, ng’wono, ber, bedo jaadiera,

23 dimbruok kod ritruok. Onge chik moro amora makwedo gik ma kamago.

The Fruit of the Spirit (KURDISH: Încîl û Zebûr Bible NT & Psalms)

KURDISH: Încîl û Zebûr Bible NT & Psalms

Galatians (Galatî) 5:22-23

22 Lê berê Ruh, hezkirin, şahî, aştî*, bîhnfirehî, dilovanî, qencî, dilsozî,

23 nermî û xwegirtin e. Li hember tiştên weha Şerîet tune. 24Heçî yên Mesîh Îsa ne, wan nefs bi xwestek û daxwazên wê ve birine ser xaçê.

The Fruit of the Spirit (KUBE: Bible NT + Psalms)

KUBE: Bible NT + Psalms

Galatians (Galatia) 5:22-23

22 Waŋu uŋa téréyawac héla gocmia imi mia yomuhuc. Goi héihéi, ségiségi, luae, qeri bénʒéŋ, ala kekec, ehéihéi, méŋʒé méŋʒéya qahac,

23 gum bénʒénʒéŋ, qerinéŋ sigisigi kekec, haka imuhucyawac imi héna ac méŋnéŋ méŋ neuŋ ménda héianʒac.

The Fruit of the Spirit (INUPIATUN, NORTH ALASKAN: Bible NT & Psalms)

INUPIATUN, NORTH ALASKAN: Bible NT & Psalms

Galatians 5:22-23

22 Aglaalli Ilitqusiġiksuam piviuttaqqutiqaqtitkaatigut quviasuunmiglu tutqiunmiglu qiñuirrunmiglu nagliktaunmiglu nakuunmiglu ukpiġnaġniġmiglu

23 pikałaktautairrunmiglu ilimun aŋalarrutilluataġniġmiglu. Iñuich iñuuruat tainna pitqurat taluqsralliaġiŋitkaich iñuutqulugich.

The Armor of God (INUPIATUN, NORTH ALASKAN: Bible NT & Psalms)

INUPIATUN, NORTH ALASKAN: Bible NT & Psalms

Ephesians 6:10-18

10 Aasiisuli, suaŋŋatiqaġitchi ikayuutaagun ilaan sapiġñaqtuam suaŋŋataata atausiŋŋuqatigiŋalugu Ataniq,

11 atuġlugu iluqaan suaŋŋan God-im aitchuutaa ilivsiññun, Tuunġaum payariŋitchumagaasi pisaasuġmiaġunmigun.

12 Qanuq aŋuyaŋitkivut iñuich timiqaqtuat, aglaan aŋalatchiruat ilitqusiqł̣uich siḷami, atanaurallu pigiitchuat aŋalatchiruat iñuŋnik mattumani nunami, suaŋŋatillu aŋalatchiruat pigiitchuanik makkunani uvluni.

13 Tavraasii ataramik atuqsiuŋ iluqaan suaŋŋan God-im qaisimaakkaŋa, payariyumagisi Tuunġaum piḷuksipkaġniutiŋi uvlut pigiiḷikpata. Itqanaitchitchi aŋuyaktitun iluqaisa atuġlugich aŋuyaunnat annuġaasi igḷutuġumiñaġumagisi akiḷḷivsi piyuaġutiŋi kiŋuppiasuŋaġnasi.

14 Tavra itqanaitchitchi. Aŋuyakti tavsiaġiksaaŋaruatun, tainnatun iḷumun illusi God-mun, suli aŋuyakti satqagutituqtuatun qatikkaaġnaiḷutaġivlugu, tainnatulli iñuuniaġitchi nalaunŋaruakun.

15 Aŋuyaktitun anŋiqpaktuqtuatun puukayasiasuŋił̣ł̣uni, tainnatulli itqanaitchitchi quliaqtuaġisaalukkumiñaġlugu tusaayugaaġiksuaq aŋuyautairrutauruaq.

16 Ataramik suaŋali ukpiġurri Ataniġmun, Tuunġaum anniaŋitchumagaasi, aŋuyaktim akkiġautaata qamitqataġmatun ikualaruat qaġruŋi akiḷḷimi.

17 Aŋuyaktisuli aŋuyaunnamun nasauttamiñun niaqquaqtaiḷimmatun, tainnatulli annaurraunivsi pitchaiḷigaasi pigiitchuamun. Suli God-im uqaluŋi Ilitqusiġiksuam qaisaŋi ilivsiññun savikpagimmatun illugich.

18 Taamna iluqaan pisiuŋ aŋaiyyutigilugu, apiġilugu God ikayuqulusi. Supayaaġuvsi aŋaiyyuuġlusi Ilitqusiġiksuam piyummiqpasi. Taamna pisigilugu nipuŋaitchitchi suli suuramikunnii qapiġnasi, aŋaiyyutilugiḷḷu ataramik God-im iñuŋi.

The Lord is my Shepherd (INUPIATUN, NORTH ALASKAN: Bible NT & Psalms)

INUPIATUN, NORTH ALASKAN: Bible NT & Psalms

Psalms 23

1 Ataniq imnaiḷiqirigigiga; Naamaruŋa pigisupayaakkamniik.

2 Unaŋuiqsitaaġaaŋa niqqaaġiksuani sivulliuġaaŋa imiġiksuanun quunnaaqtuanun immanun.

3 Suaŋŋasivsaaġaaŋa. Sivulliuġaaŋa apqusiuqłuŋa iluaqtuatigun, unniqsuqłiunmisun.

4 Apqusaaġaluaġuma taaġniqsrauruakkun, Iqsiñiaŋitchuŋa, Ataniiq, qanuq itqatigigigma. Imnaiḷiqirauvlutin anaullaurgauraqpich ayauppiaqpiḷḷu munaġiugaġaanŋa.

5 Itqanaiyairutin niqinaqutiksramnik, uumigiripayaaġma takkuanni; paġlagigma immiġiñ qallugauraġa siḷipkauraqługu.

6 Iḷisimagiga nakuutikpich nakuaqqutikpiḷḷu nayuqsaġataġaanŋa iñuuniqtutilaamni; iñuuniaqtuŋalu iglugni iñuuniqtutilauramni.

God’s Love (INUPIATUN, NORTH ALASKAN: Bible NT & Psalms)

INUPIATUN, NORTH ALASKAN: Bible NT & Psalms

John 3:16

16 God-im piviuttaġivaił̣ł̣ugich nunam iñuŋi aitchuutigiŋagaa Iġñitualuni, kiñaliqaa ukpiqtuaq iġñiŋanun tammaquŋił̣ł̣ugu aglaan iñuggutiqaquvlugu isuitchuamik.

The Beatitudes (INUPIATUN, NORTH ALASKAN: Bible NT & Psalms)

INUPIATUN, NORTH ALASKAN: Bible NT & Psalms

Matthew 5:3-12

3 Quviasuglich tamatkua iḷisimaruat piqaqtuksrautilaamiŋnik God-im ikayuutaanik, qanuq ilaisa pigigaich God-im umialgutiŋi.

4 Quviasuglich tamatkua isumaaqpaktuat, qanuq God-im quviasaaġniaġai.

5 Quviasuglich piuniaŋitchuat, qanuq ilaisa kiŋuvaaġiniaġaat God-im unniqsuqłiisaa.

6 Quviasuglich tamatkua kipiġniuġutiqałhaaqtuat pisukługich God-im pitqutiŋi, qanuq God-im ikayuġniaġai.

7 Quviasuglich nagliktauruat, qanuq God-im nagliktuġniaġmigai.

8 Quviasuglich salummaqtauruat piḷuutipayaamiñ, qanuq tautugniaġaat God.

9 Quviasuglich atisipkaiñiaqtuaguruat iñuŋnik, qanuq God-im taiñiaġai miqłiqtumiñik.

10 Quviasuglich tamatkua nagliksaaqtitauruat God-im pitqutiŋi pisukługich, qanuq pigigaich God-im umialgutiŋi.

11 Quviasugitchi iñuich uqamaqłuktautigaluaqpasi nagliksaaqtitkaluaqpasiḷu suli nivlialutiŋ qanusipayaanik pigiitchuanik ilivsigun saglutigilusi pisigilugu maliġuaqtauniqsi uvamnun.

12 Quviasupiaġataġitchi, qanuq aŋiruq akiḷiusiaksraqsi qiḷaŋmi, tainnaptauq iñuich nagliksaaqtinŋammigaich uqaqtiŋi God-im sivuvsiññi iñuuŋaruat.

The Lord’s Prayer (INUPIATUN, NORTH ALASKAN: Bible NT & Psalms)

INUPIATUN, NORTH ALASKAN: Bible NT & Psalms

Matthew 6:9-13

9 Aŋaiyyusitchiasii inna:Aapavut qiḷaŋmiittuatiin, iñuich qiksigilisin.

10 Ilivich atanniqsimakkich iñupayaat. Iñupayaat piḷich pisuutignik nunami, qiḷaŋmi pisuutignik piruatun.

11 Aitchuqtigut uvlupak niqiksraptiŋnik.

12 Suli suliqutigiŋaikkich itqaumayumiñaiġḷugich piḷuutivut, uvaguttauq suliqutigiŋaiġmatun itqaumayumiñaiqł̣ugich tamatkua piḷuksiruat uvaptiŋnun.

13 Suli ikł̣igutchaktinniaqtinnatigut, annautilutalu piḷuktuamiñ. [Qanuq ilivich umialgurutin suaŋŋatiqaqłutin kamanautiqaqłutillu isuitchuamun. Aamian.]