NICOBARESE, CAR: Bible
Galatians (Kalatī) 5:22-23
22 Në pöri ṙòng ngam Töhet Fanöinylö. Hanāngenlōn, ṙanāmölōn, lanāmö, manöiyö, miṙēlōn, lanöökö, kanô-en.
23 Ṙanëmen, inyöngöre; öt lāḵlu nun anū-ö tö chöngö.
NICOBARESE, CAR: Bible
Ephesians (Efisös) 6:10-18
10 Ngëḵ yin yĕh im Mā, töngamuhöten, im kumlēḵ ngam minhôiṅyö Ò inrē,
11 Kē nup taṙòkhöre aṅtī aṅ im Tēv, hòṅ yīö kô haköpöre lā-al nup huneū-en ngam sī-ö.
12 Tön rö-ö in lā-al alaha, mahām inrē, öi tirīp; lā-al tö yip taṙòkhöre pöri sī-ö, yip mahayöng ngih sinngūlö lā-al yip tömaṙôngö tötlöök sī-ö lātulöng.
13 Lökten keuheūtlöretī, kēḵ minë aṅtī aṅ im Tēv; hòṅ yīö kô lā-al, ip tötlöök sakāmö, keuheūthëṙen pöichö ngaich haköpöre.
14 Lökten söklöre, nyëkṙatre tö ngam kanô-en, lanak elngòh tö ngam lanöökö;
15 Kunröplöre tö ngam lanënen aṅ im inhangkö lanāmö.
16 I nup tökeuheūttöre, kēḵ ngam mikah, nö lanaklö; hòṅ yīö kô hanyangngö kūö nup töhūkūö vöi ngam tötlöök sī-ö.
17 Kēḵ ngam inyööken nö sapīöv; ngam sanët ngam Töhet Fanöinylö inrē, ngam ṙô ngam Tēv.
18 Holtö vinë-eṅkūötēv, vinë-eṅlkui inrē, örheūheu vë-ekūötēv; īnu tö ngam Töhet Fanöinylö; hīnöre inrē, pītnyöre, vë-elkui taṙòkhöre inrē vē töhet;
NICOBARESE, CAR: Bible
Psalms (Salmai) 23
1 Ngam Mā Tēv an amahten chu öich pököre: öt hāṅten chin min.
2 Haṙōlngen chu anga-aṅ nö i kui tö-ayal kiyôp: hachōten chu anga-aṅ nö i töthëm mak.
3 Havantö nômö chu anga-aṅ: hachōkūö chu el talöökö lanöökö, tökūö öp minë-eny ò.
4 Hôṅ pòrô öich lök el achāṙö nyat kinpaha, öthō min pa-ekūö tö tötlöök; pò meh holtöṙah chu: haṙamkölōn chu ngam kinchīṙö tö ngam tinkung inrē.
5 I kūö chu tī me-eṅ halēn mīs chu nö i kūö yip tökunya-haṅ elmat tö chu: hacham kui chu më-eṅ tö tavī-i; ta-ṙēchi ngam chūök òk chu.
6 Tömrit chu min lanöökö, nö kô-en, miṙēlōn inrē, i rô-òvten chu aṅ: iyöng el patī ngam Mā Tēv chin min örheūheu.
NICOBARESE, CAR: Bible
Matthew (T. Mëtiv) 5:3-12
3 Tökôlò yin vē töyāichö ellōn; pòn pūlngö cha ngam halīöngö.
4 Tökôlò yin vē töhaṙīvölōn; pò cha min nö haṙāmölōn.
5 Tökôlò yin vē yāich, pò cha min nö tö-amīnuvö töng panam.
6 Tökôlò yin vē tökapahare, ane inrē töhaṙëhenômö tö kanô-en; pò cha min tööḵngen.
7 Tökôlò yin vē tö-aheūkölōn; pò cha min nö teūngen tö neūkölōn.
8 Tökôlò yin vē töhëtö ellōn; pò cha min nö meuk ngam Tēv.
9 Tökôlò yin vē mahalām; pò cha min nö kūön ngam Tēv invëka.
10 Tökôlòyin vē tö ngaichngen ötinkôlò, töpòkūö ngam kanô-en; pòn pūlngö cha ngam halīöngö.
11 Tökôlò yin yī-ö, yē vē tarik min nö sumrōngngökūö yīö, öthakôlò yīö ane yē cha nö ṙōlkangen ṙô tö nup tötlöök, nö in yīö, nöng sūöcha, töpòkūö Chu.
12 Ṙāmölōn yī-ö, öi pōyen ṙanāmölōn; tön pōyen nup raneushö yīö, el halīöngö. Cha-a yin töng ngatī tī nö öthakôlò yik pròfĕt, yik mu-urēhĕkūö yīö.
NICOBARESE, CAR: Bible
Exodus (Maneutnyi) 20:3-17
3 Uh man tahëngu Tēv nö hol Chu.
4 Uh man vī tēvre tö insā, un rēhĕn nup tösā el halīöngö lā tumlat lā taṙeūḵ, un rēhĕn nup tösā el mai lā taṙeūḵ töng tumlat:
5 Um sōntö kūöre in u, uh rēhĕn lök la-en u; tön Mā Tēv Chin Chū-ö Tēv meh öich Tēv tölamīn, chöhkö tötṙong chin tī yip yöng, i kui yip nyīö, i kui yip linūöyö ane inrē finënö tumkölchap cha yip tösumrīk tö chu;
6 Hameuk tö miṙēlōnre i yip köṅnyu in cha yip tö hāngenlōn tö chu, mahaköp në Chöngö chu inrē.
7 Uh man höng töl kēḵ minë-nyö ngam Mā Tēv, Tēv meh; tön rö-ö an nö töt fāluṙen min nö i ngam Mā Tēv ngam töng töl nö kēḵ minënyö Ò.
8 Köpölōn tö ngam sakāmö anôilö, Haköpö e nö töhet.
9 Tafūöl sumkam më-eṅ la-evṙen, la-evṙen inrē tö nup la-en meh nö ṙòkhöre:
10 Anôilö pöri nö i ngam Mā Tēv, Tēv meh, ngam sinātö sakāmö: hē e më-eṅ öt la-evṙen tö töng la-en, më-eṅ, un rēhĕn öp kikōnyö kūön meh, un rēhĕn öp tarik meh kikānö, un rēhĕn nup nuā meh, un rēhĕn öp tarik töt aṅ panam meh öp mi-in meh:
11 Pòn vīlö halīöngö tumlat inrē, ngam Mā Tēv nö tafūöi sumkam tī, tö ngam mai ṙòkhöre nup aṅ e inrē, ngaich heūheu im sinat sumkam: lökten ngam Mā Tēv nö hakôlò ngam anôilö sakāmö, ahetlö e inrē.
12 Milēṙen man tö nap yöngre: hòṅ nup sakāmö meh min nö marô-òten im panam ngam kinë-eṅkūö meh tö ngam Mā Tēv, Tēv Meh.
13 Uh man kumpah tarik.
14 Uh man asēha.
15 Uh man ulāyö.
16 Uh man sūöichkö holre.
17 Uh man yikngö patī holre, uh man yikngö pīhö holre, un rēhĕn öp tarik ò kikōnyö, un rēhĕn öp tarik ò kikānö, un rēhĕn öp köttö ò, un rēhĕn nup töng chëhen öp hol meh.
NICOBARESE, CAR: Bible
Matthew (T. Mëtiv) 6:9-13
9 Sā ngih ṙô yin lökten, ve-ekūötēv, “Kayöngö, aṅ el halīöngö; töhet an yēḵ ngam Minënyö Meh; 10 Yih an yēḵ ngam pūlngö Meh; sā ngam lōn Meh nö ngaich nö el halīöngö, ngatī hökngen e yēḵ ing panam inrē.
11 Kētö nup tö-örheūheu nya-aṅkūö ih, tötaheui.
12 Aṙē-ĕl tökööl ih, sā ih aṙē-ĕl tökööl vē tököölö fālen nö in ih.
13 Uh öi kētu im kinlaha; ṙānyen ih pöri, ṙā-ang im tötlöök. Tön pūlngö Meh, chöngö Meh, kanôlò Meh örheūheu. Āmen?”
The latest news on WordPress.com and the WordPress community.
Christian Music from the 70's, 80's & 90's
resources for a creative worship community
Christian Site
Daily Thoughts and Meditations as we journey together with our Lord.
Free and Offline Android Bible Software
Learning Hausa (and other less commonly taught languages) using the Internet
Sautes, Broils, Braises, Grills & Plays in the kitchen