The Fruit of the Spirit (ESE / MANAGALASI: Bible NT)

ESE / MANAGALASI: Bible NT

Galatians (Karesia) 5:22-23

22 ꞌEnakaivo ꞌAveni jihuni ꞌinijija ikena. Oja ꞌekaravujine ꞌee mariꞌuvujine matauma hijujine ꞌee chochumano hijujine ꞌee swasina rejujine ꞌee mamaa vejujine ꞌee pauchaꞌasahiꞌi vena ihajinanavujina.

23 Vivinui hijiꞌine ꞌee ꞌajoꞌaravujine uneunecha ikaꞌinijija varapa paꞌana.

The Armor of God (ESE / MANAGALASI: Bible NT)

ESE / MANAGALASI: Bible NT

Ephesians (Epasasi) 6:10-18

10 ‘Ene vu’a túchamaa ijaho ikena. Natohwi jihuni harura ni’ima’ura vajijino kirasahe para’avara.

11 ‘Enakúne Godi oni kukua ka’ene nana’e’irono savujino maho’o sa’avara. ‘Ejakame ja Setanira pisimisamuni ‘unamijija areri kisina’e rene namihuna.

12 Ijihuni maijaho nú ea haha rukina ‘ee ‘aa rukina pu’úmo nana pa’eju. ‘Enakaivo ‘ajoha’ina ‘ee harura ‘ee harura nutuvi’ina ka’ene iki mwe’i hijura ‘ee ‘avena sisesa ka’ene ichutoi hijujihi pu’úmo nana’eju.

13 Ijihuni hahi Godi oni nana’ejuri kukuijino maho’o saha. ‘E’irakúne vea ka’ene vea sisea kajara ape’amajaho ja ijihuna vaji rarara’avara. ‘Ene ja uneunecha maho’o ve’ava jihuna’e ja areri kisina’e rene namihuna.

14 Ja ika’ina’e ve’avajara reje ja areri kisina’e rene namihuna. Joni ‘aha mo’oa charia ka’ene nimaijino irame ‘ee joni túra ariramaijino vahanaha.

15 ‘Ene joni umora ira maiu’ina ka’ene matausahuji saha.

16 ‘Ene ikehuni pwina ijaho tarera ka’ene nimairoiji ape’irakúne Setani oni juha ka’ene jaijasahe roujija iji ‘aniku’avara.

17 ‘Ene i’esa ka’ene marani’inijino same ‘ee ‘Aveni jihuni so’wijaho Godi oni irijinakúne ape’avara.

18 ‘Ene na’ia mapoka’e siporua ‘ojuri veijaho ‘Avena vaji ‘o’avara. Na’ia mapoka’e nia nirii’i siporua ea ka’ene nimaa roji’ini jihipuna’e ‘one ihajinanami’avara.

God’s Love (ESE / MANAGALASI: Bible NT)

ESE / MANAGALASI: Bible NT

John (Joni) 3:16

16 Godi mwe’a kakaho oja niho’o mahajihuna’e Huni Hariha nikwinuna kaivo Hu múhana’omo ea irara Hu nimaa ronujaho hu papa’arehuna kaivo hu majama hihuna.

The Beatitudes (ESE / MANAGALASI: Bible NT)

ESE / MANAGALASI: Bible NT

Matthew (Matiu) 5:3-12

3 Ea ka’ene puni ‘avena pivusahujija ivi’a teamanamama. Ijihuni maijaho Godoni arijaho ivi’a puna renu.

4 ‘Ene ea ka’ene temuka’ika’i pasonahii’inijija ivi’a teamanamama. Ijihuni maijaho pu niho’o oja sonahihuna.

5 ‘Ene ea ka’ene masuani hiji’inijija teamanava. Ijihuni maijaho mwe’a kakaho pumai rehuna.

6 ‘Ene ea ka’ene ‘unama mai matuname ‘ee toa puna’i huanavujija ivi’a teamanava. Ijihuni maijaho pu niho’o sonahihuna.

7 ‘Ene ea ka’ene ea ‘aho’a numiravujija teamanava. Ijihuni maijaho Godira pu ‘u’o numirahuna.

8 ‘Ene ea ka’ene puni oja ariramaa rejajija teamanava. Ijihuna’e pu Godi kahuna.

9 ‘Ene ea ka’ene ea ‘aho’a venau’e pu pu’úmo matauvi’inijija teamanava. Ijihuni maijaho Godira pu Huni harihija ‘i’ena.

10 ‘Ene ea ka’ene ‘unama ariramaa ‘uraha o’eju’e ea ‘ahopo sise’i ‘ahiujija pu teamanava. Ijihuni maijaho Godoni arijaho puna renukúne.

11 Nunijihuna’e erapo ja ira sisea ‘warame ‘ararihie vu’a sisea ani ani’ina ‘warame ijá veja ki’avajaho ja teamana’avara.

12 Ja niho’o teamaname ‘ee mari’u’avara. Ijihuni maijaho joni eha natohwa kahino akúpa ‘ahi namu. Ea ‘aho’a nimarako poropetia ka’ene hijajija sise’i ‘ahiaja’ina’e ja ‘u’o sise’i ‘ahihu.

The Lord’s Prayer (ESE / MANAGALASI: Bible NT)

ESE / MANAGALASI: Bible NT

Matthew (Matiu) 6:9-13

9-13 ‘Enakúne siporua ika’ina ‘o’avara. Amo akúpi ‘ahi hino ese.

Oni iha niho’o nimaa nimai’omo A veje nú Oni iha ta’aroraha. A roa nú ‘ajohua hina.

‘Ene oni ura ijara akúpa ‘ahi venuja’ina’e mwe’a ‘u’o ija’ina’e venama. ‘Iruma iviasi areri ihuniji vajúha.

Ea nú sise’i ‘ahúu’e nú vwihana ‘arevuja’ina’e nú ‘u’o A sise’i ‘ahaukúne A vwihana ‘arema.

Nú niho’o sisea vwihanare’e oja ‘urinukúne A ‘ajohue ni’ajúhe nú sisea paveja. A ‘ajohu’ina.

A ajira rukina. Oni iha ni’ima’ura. A majama ija’ina. Amo ese. Nijina.