The Armor of God (FAREFARE: Bible NT)

FAREFARE: Bible NT

Ephesians (Efɛɛzɩ) 6:10-18

10 Sɛla n deege, keŋe ya mẽŋa yẽ Zuudãana pãŋa ze’ele kãŋkãŋɛ a doosgo la pʋam, a pãn-kãtɛ la ĩyã.

11 Yɛ-ya Nawẽnnɛ zɛbrɛ lɔgrɔ wuu, tɩ ya wʋn tã’agɛ ze’ele kãŋkãŋɛ, tɩ Asũtãana da yãŋɛ pã’asɛ ya.

12 Tõma zɛbrɛ ka boe la nẽrsaalba, tõma zɛbrɩ la Asũtãana kɛ’ɛndõma, la a pãnsɩ dõma, la dũnia lika tõon-be’ero na’adõma, la kʋlkã’arsɩ wuu n boe saazuum.

13 Bɛla ĩyã, dɩkɛ-ya Nawẽnnɛ zɛbrɛ lɔgrɔ la wuu yɛ, tɩ ya wʋn tã’agɛ ze’ele zɛbɛ be’em wakatɛ. La zɛbrɛ la sãn wa ba’asɛ, ya wʋn ken zɛ kãŋkãŋɛ.

14 Bɛla, mãasʋm-ya zɛ, tara-ya sɩra tɩ a ãna wʋ sagãnnɛ tɩ ya lʋ ya sɩa la, la ya ɩta sɛla n masɛ tɩ la ãna wʋ kuto fuugo tɩ ya yɛ pĩ ya yõ’ogɔ,

15 tara-ya yɛmleego mõola sũ-mã’asʋm kõ-yẽlga la wʋ tagra tɩ ya piti sẽnna la.

16 La ya bɔ Nawẽnnɛ sɩra sɛla woo pʋam tɩ la gu’ura ya la Asũtãana pɛɛma n ãn wʋ bugum na, tɩ ya tã’agɛ kĩŋe ba.

17 Basɛ-ya tɩ fãarɛ tɩ ya tarɩ la ãna wʋ kuto zuu-wannɛ gu’ura ya, dee dɩkɛ Nawẽnnɛ yetɔga n ãn wʋ sʋkɔbgɔ tɩ Nawẽnnɛ Sɩa bɔ ya la zɛbɛ.

18 Pʋ’ʋsra-ya Nawẽnnɛ sɛla woo pʋam, pʋ’ʋsra-ya dee sɔsra ẽ wakatɛ wuu la a Sɩa pãŋa. Nargɛ-ya pãŋa pʋ’ʋsra Nawẽnnɛ nẽrba wuu ĩyã da basɛ.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s