The Armor of God (DHAO: Bible NT)

DHAO: Bible NT

Ephesians (Epesus) 6:10-18

10 Nanene pabeꞌa-beꞌa lii padhai jaꞌa dhu limuri tèka ne. Miu hudꞌi kèpe paꞌèra-èra ku parcaya miu mi Ama Lamatua, lula Nèngu ka Kètu miu, aa koasa Na dhu dedha risi eele aaꞌi si. Èèna na dhu bisa paꞌèra miu!

11 Sordadꞌu dènge rèka ho labꞌa musu ra. Sèmi èèna kahèi, Lamatua neo pake miu sèmi sordadꞌu. Te Nèngu neo miu labꞌa aaꞌi jꞌara-jꞌara bhelu-katubꞌa dhu dhèu aae nidhu adꞌu-ue. Nèti èèna ka, miu hudꞌi paꞌèra ku, sèna ka pake aaꞌi rèka nèti Ama Lamatua.

12 Te èdhi ètu dꞌara pamusu! Èdhi labꞌa boe musu dhèu rai-haha, te ngaa èdhi labꞌa koasa bhabhelu dhu èdhi tèdhi boe, labꞌa dhu rèdꞌu paredha, labꞌa koasa maroga, aa labꞌa jꞌara-jꞌara bhelu-katubꞌa.

13 De miu hudꞌi paꞌèra pake rèka aaꞌi-aaꞌi nèti Ama Lamatua sèna ka bèli-camèdꞌa, ropa dꞌai lodꞌo-lodꞌo bhabhelu-katubꞌa, miu bisa labꞌa taruu. Te ladhe miu taha, miu bisa segi.

14 De miu hudꞌi titu paꞌèra-èra! Parcaya dhoka Lii Holo-Nori Lamatua dhu lèke, te èèna nuka sèmi miu dhu bori dhari hake sordadꞌu. Mamuri mola, te èèna sama sèmi miu silu kodho bèsi paꞌabhe kakara.

15 Paꞌèra ho lami peka-padhai Lii Lolo Beꞌa dhu padꞌelo jꞌara, sèna ka dhèu bisa mamuri padame dènge Ama Lamatua, te èci èèna ka dènge miu pake salapa sordadꞌu.

16 Parcaya taruu mi Lamatua, te parcaya èèna sama sèmi mèdha èci dhu sordadꞌu pake ho sili iisi nèti rèka musu. Dènge parcaya sèmi èèna, miu bisa pamadhe ai ètu isi kataki nidhu bhelu, dhu ra siri mi miu.

17 Kèpe paꞌèra-èra lalèka miu dhu peka na, miu unu le mamuri nèti Ama Lamatua, te èèna sèmi sordadꞌu pake solo bèsi. Kèpe paꞌèra-èra Lii Holo-Nori Ama Lamatua nèti Roh Na dhu Mola-Mèci, te èèna sama sèmi sordadꞌu dhu kèpe samala.

18 Ladhe miu neo titu èra, na, miu baku loe sabajꞌa pake koasa nèti Roh Mola-Mèci Ama Lamatua. Jꞌaga taruu aa baku bhèlu sabajꞌa hia dhèu unu Lamatua buli mia-mia.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s