The Fruit of the Spirit (DAGAARE, SOUTHERN: Bible NT 2015)

DAGAARE, SOUTHERN: Bible NT 2015

Galatians (Galatea) 5:22-23

22 Kyɛ a Seɛ wɔmɔ la nɔmmo, popeɛloŋ, `maaroŋ, kannyiri, nimibaaloŋ, eveɛle, sagdeu,

23 sebaaloŋ, ne fomeŋɛ taabo. Nɔbinnaa zaa kyebe naŋ kyaare ne a ama taaba.

The Armor of God (DAGAARE, SOUTHERN: Bible NT 2015)

DAGAARE, SOUTHERN: Bible NT 2015

Ephesians (Ɛfɛsos) 6:10-18

10 A baaroo, n yɔɔmine, yɛ are kpẽã a Daŋna ane O faŋkpẽã poɔ.

11 Yɛ de a Naaŋmen zɔɔzɔɔ bonsuuri zaa su, ka yɛ na tõɔ̃ are kyaare a dɛvel bɛlloo.

12 Bonzuiŋ, te moɔbo ba kyaare ne zẽẽ ane eŋganoŋ, kyɛ a kyaare ne la zikaareba, a kyaare ne faŋ zaa, a kyaare ne a pampana ŋa saŋ lige kpeɛŋaa zaa, a meŋ kyaare ne sefaare zaa a sazu.

13 A lɛ poɔ, yɛ de a Naaŋmen zɔɔzɔɔ bonsuuri zaa su, ka yɛ na tõɔ̃ are kyaare a faaloŋ bebir daare, kyɛ yɛ naŋ wa e bon zaa baare, ka yɛ are.

14 A lɛ poɔ, yɛ are kyɛ de yelmennoŋ a `leŋ gyilli yɛ seɛ, a su a yeltori zɔɔre kpartegro naŋ na pɔge yɛ nyaa,

15 kyɛ eŋ a eŋ`maaroŋ yelnoore kyɔgroo a yɛ gbɛɛ eŋɛ.

16 A ama zaa poɔ, yɛ meŋ de a yeldeu bon-guraa na yɛ naŋ na tõɔ̃ kpinni a faaloŋ sobɔ vũũ piime.

17 Yɛ de a faabo zɔɔre zupile ane a Seɛ zɔɔre soɔ naŋ e a Naaŋmen yelbiri.

18 Yɛ maŋ puoro ne puoruu ane sɔroo zaa a Seɛ poɔ saŋa zaa. A lɛ poɔ, yɛ gu kyɛ taa kannyiri a sɔroo na zaa yɛ naŋ sɔrɔ korɔ a Ŋmendeme zaa.

God’s Love (DAGAARE, SOUTHERN: Bible NT 2015)

DAGAARE, SOUTHERN: Bible NT 2015

John (Gyɔn) 3:16

16 “Naaŋmen sereŋ nɔŋ la a donɛɛ; lɛ la so ka O tere O Bidɔɔ yenaa yoŋ, ka neɛ na zaa naŋ sage de O ta bɔre wɛ, kyɛ o na taa la nyɔvore naŋ kon bɔŋ baare.

The Beatitudes (DAGAARE, SOUTHERN: Bible NT 2015)

DAGAARE, SOUTHERN: Bible NT 2015

Matthew (Matiu) 5:3-12

3 “Maaloo be la balaŋ naŋ waa naŋ deme a ba seere poore, bonso, bana la so a tenvela naaloŋ.

4 Maaloo be la balaŋ naŋ kono zie, bonso ba na nyɛ la sukyidiibu.

5 Maaloo be la a balaŋ naŋ waa baaloŋ zie, bonso, ba na di la a teŋɛ zu gbandiruu.

6 Maaloo be la balaŋ naŋ taa kɔŋ ane kõɔ ̃ nyuuri zie a yeltori boɔbo poɔ, bonso ba na tege la.

7 Maaloo be la a nyonono deme zie, bonso, ba na nyɛ la nyonono.

8 Maaloo be la a sukyiwelwel deme zie, bonso, ba na nyɛ la Naaŋmen.

9 Maaloo be la a balaŋ naŋ e `maaroŋ maaleba zie, bonso, ba na boɔle ba la Naaŋmen bidɔbɔ.

10 Maaloo be la a balaŋ naŋ nyɛ dɔgroŋ a yeltori zuiŋ, bonso, ba so la a tenvela naaloŋ.

11 “Maaloo be la yɛ zie a saŋ na zaa ba naŋ na toorɔ yɛ, a dɔgrɔ yɛ, a yeli yelfaare ŋmaa zirii kyaare yɛ, a Maa zuiŋ.

12 Yɛ dire noɔ kyɛ vɛŋ ka yɛ poore pɛle, a yɛ yɔɔre naŋ waa kpoŋ a tenvelaa poɔ zuiŋ, bonso, lɛ la ka ba meŋ da dɔgre a Ŋmen-noɔr deme naŋ da de yɛ wẽɛ̃.

The Lord’s Prayer (DAGAARE, SOUTHERN: Bible NT 2015)

DAGAARE, SOUTHERN: Bible NT 2015

Matthew (Matiu) 6:9-13

9 “A lɛ poɔ, a ŋaa la ka yɛ naŋ na maŋ puori: “ ‘Te Saa naŋ be tenvelaa poɔ, ka Fo yuori waa soŋ,

10 ka Fo naaloŋ wa, ka Fo boɔbo e a teŋɛ zu a na a naŋ e a tenvelaa meŋ poɔ.

11 Ko te a bebir ŋa boroboro, ka a seŋ te. 

12 Di te sama suuri ko te, a seŋ na lɛ te meŋ naŋ di suuri ko balaŋ naŋ di sama te zie.

13 T a vɛŋ ka te kpɛ gyennoo poɔ, kyɛ iri te yi faaloŋ poɔ. Bonso, Fõõ la so a naaloŋ, ane a faŋa, ane a eŋno, tegteglɛ. Amen.’

The Fruit of the Spirit (DAGAARE, SOUTHERN: Bible NT 2014)

DAGAARE, SOUTHERN: Bible NT 2014

Galatians (Galatea) 5:22-23

22 Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

23 sumaaroŋ ane meŋɛ bantaabo. Bege zaa kyebe naŋ ba are ko a yɛlɛ ama taaba.

The Armor of God (DAGAARE, SOUTHERN: Bible NT 2014)

DAGAARE, SOUTHERN: Bible NT 2014

Ephesians (Ɛfɛsos) 6:10-18

10 A baaraa zaa, yɛ are kpeɛŋaa a Daana eŋɛ, a taa faŋ a O kpeɛ̃õ poɔ.

11 Yɛ de a Naaŋmen zɔɔzɔɔ-boma zaa yɛre, ka ka yɛ na toɔ̃ zɔɔtoɔ̃ a sebɛlbɛllɛ nyaayɛlɛ.

12 Bonso, a dɔndɔnne te naŋ zɔɔrɔ ne ba waa nensaalba naŋ taa zẽẽ ane eŋgama, kyɛ te zɔɔrɔ ne la namine, a zɔɔrɔ ne kpeɛ̃õ deme, a zɔɔrɔ ne seeloŋ poɔ kpeɛ̃õ deme naŋ waa a pampana teŋɛzu ligruŋ, a zɔɔrɔ ne sefaare naŋ be a sazu ziiri zaa.

13 Azuiŋ, yɛ de a Naaŋmen zɔɔzɔɔ-boma zaa yɛre, ka yɛ na toɔ̃ are a bebi-faare na daare, ka yɛneŋ wa e a yɛlɛ zaa baare, yɛ na toɔ̃ are la kpeɛŋaa.

14 Azuiŋ yɛ pãã are kpeɛŋaa kyɛ leŋ a yelmeŋɛ yɛ seereŋ aŋa kpagre, a su a mennoŋ aŋa zɔɔre kparoo ba naŋ maŋ su pɔge a nyaa.

15 Ka yɛ nɔɔteɛ yɛ naŋ eŋ e bon naŋ na soŋ yɛ ka yɛ toɔ̃ moɔle a emmaaroŋ yelnoore.

16 A ama zaa puoriŋ, yɛ taa a yeldeebo bon naŋ guuro yɛ, ona la ka yɛ na toɔ̃ de kpinni ne a faaloŋ soba vũũ piime zaa.

17 Yɛ de a faabo kpogli vɔgle yɛ zu kyɛ de a Vooroŋ Soŋ zɔɔzɔɔ-soɔ, ona la a Naaŋmen yelbiri.

18 Yɛ puoruu zaa ane yɛ sɔroo zaa poɔ, yɛ puoro a Vooroŋ Soŋ poɔ tegitegilɛ. A ŋaa zuiŋ yɛ gu yɛmenne velaa, a kpimare puoro korɔ a nensonne tegitegilɛ.

God’s Love (DAGAARE, SOUTHERN: Bible NT 2014)

DAGAARE, SOUTHERN: Bible NT 2014

John (Gyɔn) 3:16

16 “Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

The Beatitudes (DAGAARE, SOUTHERN: Bible NT 2014)

DAGAARE, SOUTHERN: Bible NT 2014

Matthew (Matiu) 5:3-12

3 “Banaŋ naŋ dire naŋ a Naaŋmen puoruu eŋɛ nyɛ la maaloo, bonso, bana la so a tenvelaa naaloŋ.

4 “Banaŋ naŋ kono nyɛ la maaloo, bonso, Naaŋmen na maa la ba suuri.

5 “Banaŋ naŋ waa sumaaroŋ deme nyɛ la maaloo, bonso, ba na nyɛ la a teŋɛ na Naaŋmen naŋ eŋ noɔre ka O na ko ba la.

6 “Banaŋ yelmennoŋ kɔŋ ane kɔnnyuuri naŋ kpɛ nyɛ la maaloo, bonso, bana la na nyɛ ba bomboɔre zaa.

7 “Banaŋ naŋ zoro nembaaloŋ nyɛ la maaloo, bonso, Naaŋmen na zo la ba meŋ nembaaloŋ.

8 “Banaŋ naŋ taa sukyiri peɛle nyɛ la maaloo, bonso, bana la na nyɛ Naaŋmen.

9 “Banaŋ naŋ boɔrɔ ka maaroŋ be noba zie nyɛ la maaloo, bonso, bana la ka ba na boɔlɔ Naaŋmen biiri.

10 “Banaŋ ba naŋ dɔgrɔ, ba naŋ e nemmenne zuiŋ nyɛ la maaloo, bonso, bana la na so a tenvelaa naaloŋ.

11 “Banaŋ noba naŋ toorɔ, a dɔgrɔ ba, kyɛ derɛ yelfa-boorɔ zaa duoro ba, a ŋmaara zirii dɔglɔ ba N zuiŋ nyɛ la maaloo.

12 Yɛ kyellɛ, kyɛ taa popeɛloŋ, bonso, yɛ san-yɔɔ waa la kpoŋ a tenvelaa poɔ. A lɛ ne o zu la ka ba da dɔgre a Ŋmen-yelmanneba na naŋ da de yɛ weɛ.

The Lord’s Prayer (DAGAARE, SOUTHERN: Bible NT 2014)

DAGAARE, SOUTHERN: Bible NT 2014

Matthew (Matiu) 6:9-13

9 “Azuiŋ yɛ maŋ puori ŋaa: Te Saa naŋ be tenvelaa poɔ, ka fo yuori waa soŋ,

10 Ka fo naaloŋ wa. Ka fo poboɔbo nyɛ eebo a teŋɛzu, a seŋ a naŋ waa lɛ tenvelaa poɔ.

11 Ko te a te zenɛ bondirii.

12 Di te saanaa suuri ko te, aŋa lɛ te naŋ dire suuri korɔ banaŋ naŋ sãã te.

13 Ta e ka te kpɛ enyaabo poɔ, kyɛ faa te yi ne a nenfaa nuuri poɔ