The Armor of God (CASHINAHUA: Bible)

CASHINAHUA: Bible

Ephesians (Efésios) 6:10-18

10 Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

11 Deusũ hawẽ mia mekeai nemati kuxipa bikãwẽ. Ha hayatã mã txĩtuãmakẽ diabo Satanásã matu parãtirumaki.

12 Na haska nũ hatube detenameairã, yurabũ kuxipawẽ nũ ikai keskamaki. Hakia yushĩ txakabubu inũ hamapai shanẽ ibu txakabu na mai anua inũ manaũri namakisshũ nuku keshebaũshũ yunuaitũ nuku atxiabube nemai heẽ iyamai nũ hatube detenamei keskaii.

13 Hanushũ Romano soldadobukiri matu xinãmanũ nĩkakãwẽ. Detenamei bui tsakanamenikabu txĩtũkatsi ikama hawẽ meketi mabu kuxipa tibi sawe keyutã detenamei bumisbuki. Haska keskariai matũri diabo Satanás nemai heẽ iyamai unãnepakatsi dasibi Deusũ kuxipa hayai keyutã matu bikawaibutiã txĩtuãma maemai kuxipakubaĩkãwẽ.

14 Hanua hãtxa txanima besti yuikĩ hawa dateama mestẽwãkãwẽ. Haska wai nũ pe hiweabu Deusũ nuku mekekubaĩmiski.

15 Matunã, Deusũ hãtxa kakape unãnuma hiwetikiri mã yusĩ bukatsis ikaiburã, bebũkiri matũ hiwea pewakubaĩkãwẽ. Haska wakĩ mã ma pewa haska soldadobu detenamei bunũ, iwanã, bebũkiri hawẽ bitxi tae sawemis keska wakĩ kakape yuibaũkĩ Deuski sinataibu mã maematirubuki.

16 Haska inũ, Deus ikũhairawakubaĩwẽ. Nũ haskawaya soldadobũ hatũ hi besha turuwẽ hatũ yura hunemis keska wakĩ Deuski sinataibũ hatũ txakabuwẽ nuku binupaiabu nukũ nũ nematiruki.

17 Deusũ nuku mekemisrã, soldadobũ hawẽ mane maiti sawea hawẽ mekemisbu nukuri nũ haska keskaki, Deuski sinataibũ hau nuku parãyamanũbunã. Haska inũ, Deusũ hãtxa tapĩhairakubaĩkãwẽ. Hawẽ hãtxarã, nupe txaipa hawẽ detenameti keskaki. Hawẽ Yushĩ Pepatũ nuku merabewaya ha Deuski sinataibu nũ hawẽ nematiruki.

18 Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s