The Fruit of the Spirit (CASHINAHUA: Bible NT)

CASHINAHUA: Bible NT

Galatians (Gálatas) 5:22-23

22 Jamen betsadan, jexe pepa banabu pepa jukunmis keskai tsuabuda Diosun Yushin Pepatun mekexun amakin jatu pe jiwemabainaidan, eska xabakabi jatu anua taxnimiski, bechipainamei jawenabuwen nuidan, benimakin Dios kenwainan, unanuma jiwea tsuki sinatamadan, jin jin ikama jawada teneamadan, jatu chikishwabu kunyan akamadan, jatu duawaidan, yaushiama jawada pepa jatu inankubainidan, jawada yubakaxun kaneama akidan,

23 babutan janchaisma inun xechakaismadan, jamebi jawen yuda pe mekemisdan. Man jaskakunkainaiwen taexun Moisin yusianwen tsuan matu jawa nematidubumaki.

The Fruit of the Spirit (CASHINAHUA: Bible)

CASHINAHUA: Bible

Galatians (Gálatas) 5:22-23

22 Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

23 babutã hãtxaisma inũ shetxakaismarã, hamebi hawẽ yura pe mekemisrã. Mã haskakũkainaiwẽ taeshũ Moisés yusĩawẽ tsuã matu hawa nematirubumaki.

The Armor of God (CASHINAHUA: Bible)

CASHINAHUA: Bible

Ephesians (Efésios) 6:10-18

10 Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

11 Deusũ hawẽ mia mekeai nemati kuxipa bikãwẽ. Ha hayatã mã txĩtuãmakẽ diabo Satanásã matu parãtirumaki.

12 Na haska nũ hatube detenameairã, yurabũ kuxipawẽ nũ ikai keskamaki. Hakia yushĩ txakabubu inũ hamapai shanẽ ibu txakabu na mai anua inũ manaũri namakisshũ nuku keshebaũshũ yunuaitũ nuku atxiabube nemai heẽ iyamai nũ hatube detenamei keskaii.

13 Hanushũ Romano soldadobukiri matu xinãmanũ nĩkakãwẽ. Detenamei bui tsakanamenikabu txĩtũkatsi ikama hawẽ meketi mabu kuxipa tibi sawe keyutã detenamei bumisbuki. Haska keskariai matũri diabo Satanás nemai heẽ iyamai unãnepakatsi dasibi Deusũ kuxipa hayai keyutã matu bikawaibutiã txĩtuãma maemai kuxipakubaĩkãwẽ.

14 Hanua hãtxa txanima besti yuikĩ hawa dateama mestẽwãkãwẽ. Haska wai nũ pe hiweabu Deusũ nuku mekekubaĩmiski.

15 Matunã, Deusũ hãtxa kakape unãnuma hiwetikiri mã yusĩ bukatsis ikaiburã, bebũkiri matũ hiwea pewakubaĩkãwẽ. Haska wakĩ mã ma pewa haska soldadobu detenamei bunũ, iwanã, bebũkiri hawẽ bitxi tae sawemis keska wakĩ kakape yuibaũkĩ Deuski sinataibu mã maematirubuki.

16 Haska inũ, Deus ikũhairawakubaĩwẽ. Nũ haskawaya soldadobũ hatũ hi besha turuwẽ hatũ yura hunemis keska wakĩ Deuski sinataibũ hatũ txakabuwẽ nuku binupaiabu nukũ nũ nematiruki.

17 Deusũ nuku mekemisrã, soldadobũ hawẽ mane maiti sawea hawẽ mekemisbu nukuri nũ haska keskaki, Deuski sinataibũ hau nuku parãyamanũbunã. Haska inũ, Deusũ hãtxa tapĩhairakubaĩkãwẽ. Hawẽ hãtxarã, nupe txaipa hawẽ detenameti keskaki. Hawẽ Yushĩ Pepatũ nuku merabewaya ha Deuski sinataibu nũ hawẽ nematiruki.

18 Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

The Lord is my Shepherd (CASHINAHUA: Bible)

CASHINAHUA: Bible

Psalms (Salmos) 23

1 Ẽ Shanẽ Ibu Senhor Deusrã, ẽ mekenãki. Hatũ ea nĩkasama hamapai ea inãkubaĩmiski.

2 Basi pepa anu ea iyutã ea huĩrukũmamiski. Hanu ũpash pes dakanu iyushũ ea amamiski.

3 Ẽ babuai ana ea kushipa wakĩ ea benimawamiski. Hanu ẽ kanũ bai pepawẽ ea iyukubaĩmiski, Hawẽ kena kushipa duawakĩ ẽ hatu uĩmamiski.

4 Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

5 Eki sinataibu bebũshũ piti sharabu mĩ ea pewashũmiski. Sheni inĩti pepawẽ ẽ bushka mĩ ea mashu amiski, ea duawakinã. Ẽ kẽtxaki nushuti pepa matawakĩ mĩ ea bupakemashũmiski.

6 Mĩ duapa inũ mĩ nuikipawẽ ea putama mĩ ebe nikũkaĩmiski, hatishũ ẽ hiweaitianã. Hanua mĩ ẽ shanẽ ibuwẽ taea atimas mĩ hiwe anu mapekea ẽ hiwepakeshanaii.

God’s Love (CASHINAHUA: Bible)

CASHINAHUA: Bible

John (João) 3:16

16 Jesusũ ana Nicodemos xinãmakĩ yuikĩ: —Yura betsa betsapa dasibi hiwebaunabuwẽ nuihairakĩ Deusũ eska xinãtã ea hawẽ bake bestitxai yunukĩ tashnimaniwẽ taeshũ tsuabũra ea ikũwãkĩ hawẽ hiwea kayabi benutima bitã mawa kayabiama Deusbe hiwekuĩshãkanikiki, ikibi ikirã.

The Beatitudes (CASHINAHUA: Bible)

CASHINAHUA: Bible

Matthew (Mateus) 5:3-12

3 —Benimatirubukiri matu yuinũ nĩkakãwẽ. Tsuabura kẽkubaĩsbuma Deus shanẽ ibukĩ hatu duawashanaiwẽ taea benimapaketi xinaĩ benimakubaĩkanikiki, manairã.

4 —Ha inũ, tsuabũra hatũ huĩti nixma kashakatsis ikaibuwẽ taeshũ Deusũ hatu xinã txãkãwã benimapaketi xinaĩ benimakubaĩkanikiki.

5 —Ha inũ, tsuabura xinã pepaya keĩsbuma Deusũ mae pepa hatu yubani hatu yunushanai xinaĩ benimakubaĩkanikiki.

6 —Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

7 —Ha inũ, tsuabura nuikipabuwẽ Deus nuiriashanaiwẽ taea benimapaketi xinaĩ benimakubaĩkanikiki.

8 —Ha inũ, tsuabura xinã shũpĩ pepa haya habũ Deus uĩ hiweshanaibuwẽ taea benimapaketi xinaĩ benimakubaĩkanikiki.

9 —Ha inũ, tsuabura duapa unãnuma hatube hiwekatsi yura betsabu sinataibu hatu daewamisbu Deusũ hawẽ bakebu wakĩ hatu kenamiswẽ taea benimapaketi xinaĩ benimakubaĩkanikiki.

10 —Ha inũ, tsuabũra Deusũ hãtxa xinãkĩ txibaĩbu hatu itxakawabiabu txĩtuĩsbumawẽ taea Deus shanẽ ibuai anu hanus shukukatsi ikĩ xinaĩ benimakubaĩkanikiki— iwanã,

11 haki txiti ikaburi yuikĩ: —Ha inũ, tsuabũra mã ea txibaĩbuwẽ taeshũ matu usãkĩ itxakawakĩ matukiri txanitxakakĩ matu danaĩbu matũ benimapaketi xinaĩ mã benimapakeriashanaii.

12 Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

The Ten Commandments (CASHINAHUA: Bible)

CASHINAHUA: Bible

Exodus (Éxodo) 20:3-17

3 Haskakẽ hamapai yushĩ betsa betsapa duawakĩ kẽwãyamakubaĩshãkãwẽ, ea besti ẽ matũ Senhor Deuskirã.

4 “Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.

5 Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

6 Hakia hatũ ea betxipaikĩ ẽ yunuti hãtxa nĩkatã txibãpakeshanaiburã, habu inũ hatũ bakebu paibu hatu beshteama hatuwẽ nuikĩ ẽ hatu duahaira wanũbariaii.

7 Ha inũ, betsarã, earã, ẽ matũ mekenika Senhor Deusũ kenaki meseama hamẽ shabakabi yuiyamakubaĩshãkãwẽ. Hakia meseama ẽ kena hamẽ yuibaunaibu hawa hatu hakimama ẽ hatu kupishanaii.

8 Ha inũ, betsarã, sábado huĩrukũtitiã hakimama ea shinaĩ ha shabatiã enas ikubaĩshãkãwẽ.

9 Dayairã, 6 dia shaba besti hanu dasibi matũ daya akubaĩshãkãwẽ.

10-11 Eanã, nai inũ, mai inũ, hene inũ, hanu hiwea akeakeabu 6 shaba dayakĩ ẽ hatu damiwaniki. Hakia hanu huĩrukũti wakĩ sétimo shaba meribi wakĩ hanu ea kẽwãti shaba pewakĩ ẽ meribi waniwẽ taeshũ semana tibi 6 shaba ikũkainaya matũ daya dasibi akubaĩshãkãwẽ. Hakia sétimo shabarã, hanu matũ mekenika Senhor Deus, earã, hanu ea shinãti huĩrukũtitiã ipakeshanikiki. Hanu dayatimarã, matũ huni bakebu inũ, matũ aĩbu bakebu inũ, matũ huni tsumabu inũ, matũ aĩbu tsumabu inũ, matũ inabu inũ, nawa betsabu matũ mae anu hiweabu habu dayatirubumariki.

12 Ha inũ, betsarã, matũ epa inũ matũ ewa duawakubaĩshãkãwẽ. Mã haska waibũ ha mai pakea anu iyushũ ẽ matu ibuwamashanai anushũ matu inũ matunabu pakubainaibu bari itxapa inãkĩ ẽ hatu duawakĩ pe hiwemapakeshanaii.

13 Ha inũ, betsarã, e iskaũ sinatakĩ tsua tenãyamakubaĩshãkãwẽ.

14 Ha inũ, betsarã, kemui aĩyã inũ beneyabia betsabe txutanameyamashãkãwẽ.

15 Ha inũ, betsarã, yura betsabũ hamapai tibi biaĩ yumetsutaskayamashãkãwẽ.

16 Ha inũ, betsarã, yura betsa haskamabiakẽ hamẽmẽs hakiri txanitxakakĩ nuitapawayamashãkãwẽ.

17 Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã,” akĩ Senhor Deusũ hawẽ hãtxa hatu yuia

The Lord’s Prayer (CASHINAHUA: Bible)

CASHINAHUA: Bible

Matthew (Mateus) 6:9-13

9 Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.

10 Nai anushũ mĩ yunua haska txibãmisbu keska wakĩ nenushũri dasibibũri hau mĩ xinã besti txibãkubainũbũwẽ.

11 Ha inũ, nuku mekekĩ na habiatiã nũ piyunũ haska mĩ xinaĩwẽ piti nuku inãwẽ.

12 Ha inũ, nuku txakabuwaibu hatu hakimawakĩ hatũ txakabu nũ ana haska xinãmawẽ taeshũ nũ mia txakabuwai buashũtã ana haskakiri nuku xinãmayamawe.

13 Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

The Fruit of the Spirit (CASHIBO-CACATAIBO: Bible)

CASHIBO-CACATAIBO: Bible

Galatians (Gálatas) 5:22-23

22 Usa ‘aínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ‘ia: unicama nuibacë, chuámarua ‘aish cuëëncë, uisa ñu cara ‘icëbëbi chuámarua ‘aish bënë́cëma, an ‘atimocëxunbi uni cupicëma, cuëmëninínshi banacë, upí nuituñu, ‘imainun Jesucristomi upiti catamëcë,

23 rabícëma, aín cuëëncësari ‘iisa tanquinbi tënëcë. Usa uni ñuia, ax —usai ‘itima ca —quicë bana ca ‘aíma ‘icën.

The Fruit of the Spirit (CARRIER: Bible NT & Genesis)

CARRIER: Bible NT & Genesis

Galatians (Galatia Whut’enne) 5:22-23

22 ꞌEt hoontsꞌi ndai la Ndoni nebaꞌ yinla-i, ꞌi ꞌuntꞌoh, be lhkꞌetsꞌutsiꞌ-i, be tsꞌónilhni-i cha, be nédzi dizghel ꞌi cha. ꞌInkꞌez saꞌ whe hoonli talhtsꞌodini-un, ꞌinkꞌez ꞌuyoonne tsꞌun tsꞌínzoo ꞌi cha. ꞌEt ndai la tsꞌiyaitsuk unzoo-i ꞌutsꞌulhꞌen, Yakꞌusda neba ꞌalhaꞌ ꞌuntꞌoh-un, ꞌi cha.

23 ꞌUyoonne ghaꞌ tsꞌoleꞌ cha, ꞌinkꞌez kꞌo ꞌuzdunooltꞌi. ꞌEt njan ꞌi tsꞌiyawh Ndoni nebaꞌ hoonla wheꞌ hoontꞌoh. ꞌEt hukwꞌuneꞌ tsꞌootꞌen hubaꞌ hoontꞌoh. Ndutsꞌintꞌoh de, ꞌet de ꞌaw hoonli whe nekꞌehootaltsꞌulh-un hooloh.