The Armor of God (BRIBRI: Bible NT, Partial OT – 2nd Edition)

BRIBRI: Bible NT, Partial OT – 2nd Edition

Ephesians (Efesios) 6:10-18

10 A yamipa, ibataie ta̱ ye’ tö a’ a̱ icheke tö a’ e̱’ diché iö́ ke̱kraë a’ batsulewa̱ Skëkëpa Jesús ta̱ e’ wa, ñies ie’ diché tai̱ë e’ wa.

11 Ì ko̱s mé Skëköl tö a’ a̱ e̱’ tsa̱tkoie ì sulu yöki̱, e’ dör we̱s ì ko̱s tso’ ñippökwakpa wa̱ e̱’ tsa̱tkoie es. E’ iö́ a’ tö a̱s a’ e̱’ tsa̱tkö̀, e’ wa a’ e̱’ tkö́wa̱ darërë bë́ é̱na se’ ki̱tö’wa̱k e’ yöki̱.

12 Kë̀ se’ ñippöku̱’ s’ditsö ta̱. E’ skéie se’ ñippöke íyi sulusi diché ta̱’ kë̀ wërta̱’wa̱ esepa ta̱. E’pa dör íyi wökir ena íyi wák tso’ ì sulu ko̱s tso’ s’pamik we̱s stui a̱ es ese wëttsu̱k.

13 E’ kue̱ki̱ ì ko̱s mé Skëköl tö a’ a̱ e̱’ tsa̱tkoie, e’ iö́ a’ tö, e’ klö’ú̱ a̱s mik ì sulu datse̱ a’ e̱rkiöu̱k ì sulu wamblök, eta̱ a’ a̱ iwöklör. A’ tö iwé̱ es ke̱kraë, e’ ta̱ a’ e̱’ alöraka̱ ì sulu ki̱ ta̱ a’ a̱ e̱’ tkërdawa̱ darërë moki̱ë.

14 E’ kue̱ki̱ a’ tso’ e̱rki̱ ñippök ì sulu ta̱. Skëköl ttè moki̱ e’ klö’ú̱ a’ tö, e’ dör we̱s ñippökwakpa kipamo es. A’ se̱nú yësyësë Skëköl a̱, e’ tö a’ ki̱meraë we̱s íyi daloie ieke ñippökwakpa tö ibatsi̱’ ki̱ e̱’ tsa̱tkoie es.

15 Skëköl tö a’ e̱r bua’wé̱ne ie’ ki̱ Cristo batamik, e’ ttè buaë klö’wé̱ a’ tö, e’ dör a’ a̱ we̱s ñippökwakpa klökkuö iö̀ka̱ a̱s kë̀ iku̱li̱rttsa̱ es.

16 Ñies a’ e̱rblö̀ ke̱kraë Skëkëpa Jesús mik, e’ dör we̱s ì tso’ klöule ñippökwakpa wa̱ iulà a̱ shoë e̱’ tsa̱tkoie es. E’ wa a’ tö ì sulu ko̱s patkeke bë́ tö a’ ki̱ ese ko̱s wöklö’we̱raë. E’ dör we̱s kuaböt wöñarke bö’ie u̱yeke ñippökwakpa ki̱, e’ wöklö’we̱ke wöshteke ì tso’ ie’pa wa̱ iulà a̱ e’ wa es.

17 Skëköl tö a’ tsa̱tkeraë, e’ bikeitsö́ a’ tö ke̱kraë, e’ dör we̱s íyi daloie tkekeka̱ ñippökwakpa tö iwökir ki̱ e̱’ tsa̱tkoie es. Ñies a’ e̱r múwa̱ ie’ ttè ki̱, e’ dör we̱s ie’ Wiköl tabè es.

18 Ì ko̱s a̱ ta̱ ikiö́ ie’ a̱ tö ie’ tö a’ ki̱mè. Ie’ ta̱ a’ ttö́ ke̱kraë iWiköl wa, kë̀ ilo’yar yës. Ñies ie’ a̱ ikiö́ s’batse’r male̱pa ko̱s ki̱.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s