The Ten Commandments (BEROM: Bible)

BEROM: Bible

Exodus (Nusu) 20:3-17

3 Hwo vɔk bedagwi behak detu na me wɛt.

4 Hwo yong a to mo pyɛ cak ye sekwit kɛ rezinâ pyɛ́ cak de ya sé e lagwi, kɛ e jey, kɛ e ji gworep e nɛ̂n vwel wɛt.

5 Hwo gaba e cat bol yɛ̄, na hwo re a yɛ̄ fongol wɛt. Yaga me, Dagwi Darwey, Dagwi mō, me simo na hwo tɛ̀ yey mō na me zɔng. Mê tala pyɛ́ vyes yê vemo de ba kyɛ́ ɛn me e ra nèy mɛn wɔ̀ sɛ̀ zamang hê netat na hê nenaas.

6 Ko vemo de ba tɛ̀ yey mɛn na me, de be gyeng badu hom, mê dura nerat hom e ra bezamang gu kpɛɛ.

7 Hwo ra fwom na rezâ Dagwi Darwey, Dagwi mō, e gwong vwes wɛt, yaga a rɔda hàla a mwat de a ra fwom vwes na reza mɛ wɛt.

8 Gyeng Tuk Shábat, yaga ha sé tuk de Dagwi a tik hɛ zɛɛt.

9 Hwà vɔk nepɔlɔ netyiimin, na hwo ra fwom mō mwa,

10 ko tuk hê taama ha sé tuk pɔngɔ, ha sé hê Dagwi Darwey, Dagwi mō. Hwo ra fwom hwak e tuk hane mo wɛt, hwo, kɛ nèy mō, kɛ sam mō, rwas o kɛ hwā mó, kɛ yas mō, kɛ kwɛnɛt de a sé sangal na hwo.

11 Yaga á sè e ji nepɔlɔ netyiimin de Dagwi Darwey á yong lagwi na jey, na gworep tanga pyɛ̂ mwa de ya sé e ji yɛ̄, ko á pɔng e tuk hê taama. Yaga ano, a tɛ̀ a Tuk Shábat nerat, ko a tik hɛ jaram, na he sè mɛ.

12 Nɔ̂ng da mō na neng mō nerey. Ano nepɔlɔ mō nê gwɛ̌ hɛn e sevwel de Dagwi Darwey, Dagwi mō, a sé nɔng o.

13 Hwo mɔrɔ mwat wɛt.

14 Hwo ra nejwang wɛt.

15 Hwo shigi wɛt.

16 Hwo nɔng nuha bɔs e ra mwat hwak wɛt.

17 Hwo mara-yis e ra pyɛ̂ lɔ mwat hwak wɛt. Hwo mara-yis e ra hwā mɛ wɛt, kɛ sam mɛ, rwas o kɛ hwā mo, kɛ rɔndɔng mɛ, kɛ madung mɛ, kɛ kayɛ pyɛ de ya sé myɛ.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s