The Armor of God (BEROM: Bible)

BEROM: Bible

Ephesians (Ɛfɛsus) 6:10-18

10 Há hê yɛnɛ ma het ngan: Jāma hin gap min yi e sangâl nesa na Darwey, ko yi na sêy gbɔng reto mɛ arɔng.

11 Dagwi a ga nɔng in mwa pyɛ̂ de yê sɛlɛ hin e como de yin a sé tó na gwɔ̀m cēng. Tɛ̀ in pyɛ́ yemo, yaga na yin a bin tɔk tumal gak e jeng de gwɔ̀m cēng o e kwɛlɛng hin na netsitsɛng neves mɛ.

12 Yaga como de wot a sé tó ya sé na bemasi wɛt, ko ya sé na cēng vyes de ya vɔk reto e tê lagwi tanga jey, yɛ̄ à yemo de ye re negwɔm, na yēmo de ya vɔk reto, tanga yēmo de ya vɔk gap e jeng yemo de ya sé mwangalang.

13 Yaga ano, jut in mwa pyɛ̂ como de Dagwi a ga nɔng in, na yin a tɛ̀ yɛ̄! Yi ano, jeng de tuk ves ha rɔda vey, yin a rɔda tɔk tumal gak. Ko jeng de yin ê wɔ̀ wul yɛnɛ̂ como mo, yin ê to tumal gak arɔng.

14 Ano kwong, tumal hin e yong in! Yin dopse ra pyɛ́ de ya sé tsak o sede gyindi de yin a gyiri mɛ̀ rawit min gak. Rá in negwɔn de na sé cik sede dyam pama ye bâng ragey min.

15 Yóng in, na yin a shara Yɛgɛt Yat de ye vɛ̀sɛ na yêy dyɛngɛ sede bekpatak de yin a tɛ̀.

16 Séy in tsak o na Dagwi kayɛ jeng sede ruga de yin a vɔk, yaga na yin a tɔk dul mɛ̀ mwa ket de be lolo na kya, vemo de Shetan, wo neves, e tabas hin mɛ̀.

17 Tik na tɔ́k hemo wɔgɔ, Dagwi a sey neken min, he sè a yin sede bong dyam de wo gyep rato min. Ko jut in rehâ Dagwi de ra sé sede wal de Gabik Dagwi ha nɔng in.

18 Rá in won jeng de yin a sé ra pyɛ́ yemo mwa, ko lolo hin Dagwi na a sɛlɛ hin. Rá in won kayɛ jeng e gwong de Gabik Dagwi he dura a yin na yin a ra. Yaga ano, bɛrɛng hin nekanang, ko yin ye waa wɛt. Rá in won jojot yaga bemât Dagwi mwa.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s