The Armor of God (BURUM-MINDIK: Bible NT, Partial OT)

Armor of God 2d

BURUM-MINDIK: Bible NT, Partial OT

Ephesians (Efesus) 6:10-18

10 Kimbini tekömamgö aiga keu kewö ohozal: Iŋini Kembubuk qekötahöba kingetka kukösumŋi ketaŋan mönö inahöba töngum eŋgiiga köhöimakŋe.

11 Bölöŋaŋgö Toŋan silenöŋ alalgö mötmöt areŋ könaŋi könaŋi alakzawi, iŋini mi mesohol köla kin köhöimegöra mönö Anutugö wahijamba pakpak memba kölget gem aŋgum teköiga malme.

12 Nini gölme ambazip sep busuŋinambuk yembuk bim qahö aumakzinmö, bem suahö galöm aka iwiluhut bölöŋi bölöŋi tuarenjoŋ ak eŋgibingöra kinjin. Bem suahö galöm bölöŋi Suep gölme sutŋire jakömbuak dumŋine kinda kembu ahakzei, mönö mi qetal eŋgimakzin. Mewöyök pom böhi öŋgöŋgöŋi eretŋi sutnine panamangö öme tohoŋgö azi ipŋi mala öröyuai pakpak galöm kölakzei, neŋön mönö yembuk yarö gilakzin.

13 Miaŋgöra tuarenjoŋ ak eŋgibingöra mönö Anutugö jurujamba lökŋanök memba kölget gem aŋguiga kinme. Mewö kingetka kerökŋinan nalö bölöŋe eŋgubingö gangömakŋei, nalö miaŋgöreŋ mönö ölöp amqeba yarö gila tötal eŋgime aka yarö mi teköiga ölöp miri gölmeŋine kanjam köla kinme.

14 Wahijambaŋini mönö kewö löŋgöt aŋgume: Keu ölŋanök jijigö irimuŋgaŋi mönö anjöŋine jöhöba kinme. Ahakmeme solan sorokŋi mi töptöpŋine göwaŋgöwaŋ (kapa maluku) ewö köla sel jöhöm aŋguba kinme.

15 Köna esu böŋtöŋök löŋgöta ölöp töndangöba tiba anakzin. Miaŋgö dop iŋini mönö luaigö Buŋaŋi jim sehibingö jöjörögetka miaŋön bohon köl eŋgima.

16 Jurujamba miembuk toroqeba saiwa bohonŋi qetŋi mötnarip mi mönö buŋa qem aŋguba sundan teŋgöba kinakŋe. Bölöŋaŋgö Toŋan neŋgeriba qönsihim neŋgimamgöra möta timbi liŋgipŋi mulahakzawi, miaŋgö esapesap könöpŋi pakpak mönö suman miaŋön qeapköba aŋgön köl aŋgumakŋe.

17 Anutugö Amötqeqe Toŋi i mönö buŋa qem aŋgume. Buŋa qem aŋguba kunbuk letotmei, dom-amöt miaŋön mönö nöröpŋini ain irikmarik ewö turuba aŋgön köl eŋgimakŋa. Uŋa Töröŋan bimgö sou ketaŋi neŋgizawi, mi Anutugöreŋ Buŋa keu. Mi mewöyök mönö buŋa qem aŋguba urukönömŋine ala bimŋini miaŋön qemakŋe.

18 Wahöjambaŋini pakpak mi löŋgöt aŋguba mönö nalö dop Anutu köuluköba qesiba malme. Uŋa Töröŋan eŋguasöta inahöm eŋgimakzawaŋgö dop mönö uletnöŋ sahöt waŋgimakŋe. Mönö pöndaŋ uruguliguli mala sundan Anutugö ambazip sarakŋi pakpak yeŋgöra aka kapaŋ köla köulukömakŋe.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s